Ангелина Лукастың жекпе-жек уақыты анықталды

Қазақстандық боксшы Ангелина Лукастың кәсіпқой шаршы алаңда қашан кездесу өткізетіні анықталды.

Box Rec мәліметінше, ол 31 қаңтар күні Мәскеуде рингке шығады. Айқас IBA Championship Night бокс кеші аясында өтеді. Дегенмен оның қарсыласының есімі әзірге белгісіз.

Лукас кәсіпқой бокста 11-1, 5 КО рекордымен келеді. Өзінің бұған дейінгі соңғы жекпе-жегінде Ангелина Дебора Лопесті ұтып, IBO нұсқасы бойынша әлем чемпионы атанды. Былтыр ол барлығы алты айқас өткізіп, соның үшеуін нокаутпен аяқтады. Бұған дейін Лукас WIBF және WBF нұсқалары бойынша әлем чемпионы атағын жеңіп алған.