Али Ахмедов америкалық боксшыны нокаутпен жеңді

Кәсіпқой бокстан еікнші орта салмақтағы қазақстанжық Али Ахмедов (22-1, 16 КО) Коммерсте (Калифорния, АҚШ) өткен бокс кешінде кезекті жеңісіне қол жеткізді.

Ахмедов американдық Малколм Джонспен (17-4-1, 10 КО) жұдырықтасты. Бұл кездесу супер орта салмақта өтіп, он раундқа есептелді және екінші раундта қазақстандық техникалық нокаутпен жеңді.

Осылайша, Али Ахмедов кәсіпқой бокста 23-жеңісіне қол жеткізсе, Малколм Джонс осымен бесінші рет жеңіліп отыр. Ахмедовтің қатарынан бесінші рет жеңіске жеткенін де айта кету керек. Ол мансабында бірінші әрі соңғы рет 2020 жылғы желтоқсанда эквадорлық Карлос Гонгорадан (22-3, 17 КО) жеңілген еді.