Данияр Елеусіновтің Астанадағы жекпе-жегі өтпейтін болды – журналист
Сонымен қатар, бұл күнге жоспарланған Қуат Хамитовтің де жекпе-жегі болмайды
Белгілі спорт журналисі Уәлихан Қосанбай кәсіпқой боксшы Данияр Елеусіновтің (12-0, 7 KO) Астанада өтуі тиіс болған жекпе-жегі өтпейтінін мәлімдеді. Олимпиада чемпионы 28 ақпандағы бокс кешінде өнер көрсетуі тиіс болған.
Бұған дейін Елеусіновке менеджерлері қарсылас таба алмай жатыр деген ақпарат тараған еді. Даниярдың өзі де Қазақстанға шетелден боксшылардың келгісі келмейтінін айтқан.
«27 ақпан күні Астанада өтетін жекпе-жек кешінді Данияр Елеусінов пен Қуат Хамитов шықпайды. Екеуін көрем деп билет сатып алып, алданып қалмаңыздар», - деп жазды Уәлихан Қосанбай өзінің Facebook-парақшасында.
Жартылай орта салмақта өнер көрсететін Данияр Елеусінов соңғы рет рингке былтыр қыркүйекте Алматыда шықты. Ол кезде қазақстандыққа Филиппин боксшысы Джое Нойнай қарсылас болған. Данияр оны бесінші раундта техникалық нокаутпен жеңді.