WBC Карлос Адамеске Мейрім Нұрсұлтановпен жекпе-жек өткізуді міндеттеді – дереккөз
Қазақ боксшысы биыл әлем чемпионы атану мүмкіндігіне ие болады
Кәсіпқой бокста орта салмақта жеңіс сериясын жалғастырып, сәтті келе жатқан қазақстандық Мейірім Нурсұлтанов (20-0, 11 КО) келесі жекпе-жегін WBC тұжырымы бойынша әлем чемпионы, доминкандық Карлос Адамеспен (24-1-1, 18 КО) өткізуі тиіс.
WBC тұжырымы Адамеске өз белбеуін басты үміткер – қазақстандық боксшымен қорғауды міндеттеген. Бұл ақпаратты қазіргі кезде көптеген бокс жазатын дереккөздер растап отыр. Арасында ESPN журналисі, инсайдер Сальвадор Родригес те бар. Ол сондай-ақ WBC Дмитрий Биволға да Дэвид Бенавидеспен кездесуді міндеттегенін айтты.
Айта кетейік, 22 ақпанда Карлос Адамес титулын қорғау үшін британиялық Хамза Ширазбен (21-0-1, 7 КО) жекпе-жек өткізген. 12 раундқа созылған кездесу тең аяқталды.
Еске салсақ, негізі WBC осы жекпе-жекке дейін-ақ жеңімпаз Нұрсұлтановпен кездеседі деген міндет қойған.