Бокстан әлем чемпионаты: Анита Адишева жеңіліп қалды
Үш боксшы алғашқы айналымнан қиындықсыз өтті
Сербияда өтіп жатқан бокстан қыздар арасындағы әлем чемпионатында Қазақстан құрамасының өкілі Анита Адишева (52 кг) бірінші айналымда жеңіліс тапты.
19 жастағы қазақстандық боксшы алғашқы жекпе-жегін мексикалық Жасмин Эсмиральдо Хуарес Патиноға қарсы өткізген. Адишева үш раунд бойы қарсыласын үздіксіз шабуылдап, сауатты қорғана білді. Тіпті, үшінші раундта мекскалықты нокдаунға да жіберген. Соған қарамастан, төрешілер 3:2 есебімен жеңісті Хуарес Патиноға берді.
Осылайша Анита Адишева жарысты 1/16 финалдан аяқтады.
Әлем чемпионатының алғашқы күні Алуа Балқыбекова мен Елдана Тәліпова қарсыластарын қиындықсыз жеңіп, келесі кезеңге жолдама алған болатын. Ал, бүгін Жайна Шекербек қарсыласының жарыстан бас тартуына байланысты жекпе-жексіз жеңіске жетті және 1/8 финалға жолдама алды.