«Боксшы болса да дзюдоны таңдады»: Дмитрий Бивол ұлын дзюдо секциясына берді
Дмитрий Бивол жұбайы Екатерина Биволмен 2023 жылы маусым айында ажырасқан
Бокстан бірінші жартылай ауыр салмақта әлемнің абсолютті чемпионы Дмитрий Бивол ұлын дзюдо секциясына бергені белгілі болды.
Белгілі спортшы отбасынан ажырасса да кіші ұлы Никон Биволдың дзюдо секциясына қатысуына ниетті болған. Ол әке ретінде мұны мақтанышпен айтатынын бұған дейін мәлімдеді.
Естеріңізде болса, Дмитрий Бивол бұрынғы жұбайы Екатерина Биволмен 2023 жылы маусым айында ажырасқан еді. Олардың ортақ некеден Мирон және Никон есімді екі ұлы бар.
Ақпан айында Бивол Артур Битербиевпен кездесіп, төрешілер шешімі бойынша жеңіске жетті. Осылай ол бірінші жартылай ауыр салмақта әлемнің абсолютті чемпионы атанды.
Бұдан бөлек, аса ауыр салмақта әлемнің абсалютті чемпионы Александр Усик те ұлын дзюдо секциясына бергенін мәлімдеген еді. Спортшы бокстан гөрі дзюдоның өте ыңғайлы спорт екенін атай келе, болашақта ұлының дзюдошы болғанын қалайтынын сұхбаттарында айтып өткен.