Виктория Графеева – әлем чемпионатының күміс жүлдегері
Ол жекпе-жектен кейін қазақ тілінде сұхбат берді
Бокстан қыздар арасындағы ілем чемпионатының финалында қазақстандық Виктория Графеева ресейлік қарсыласынан жеңіліп, жарыстың күміс жүлдегері атанды.
60 келіде өнер көрсеткен қазақстандық боксшы үш раундтың нәтижесінде Нуне Асатрянға жол берді. Жекпе-жектен кейін сұхбат берген Виктория жеңіліске өзінің қателігі себеп болғанын айтты.
«Менің арманым – қазақ еліне алтын медаль сыйлау еді, бірақ бұл арманымды жүзеге асыра алмадым. Қатты ұялып тұрмын сол үшін. Бәріне өзімнің қателігім себеп болды, алтын медальға бір табан жақын тұрдым, бірақ ала алмадым. Өкінішімді сөзбен жеткізу мүмкін емес», - деді Графеева.
Айта кетейік, бұған дейін Сербиядағы әлем чемпионатында Қазақстанның екі боксшысы жеңімпаз атанды. 48 келіде Назым Қызайбай ресейлік қарсыласын жеңсе, 50 келідегі Алуа Балқыбекова қытайлық боксшыдан басым түсті.