Аида Әбікеева таи боксшысын айқын жеңіп, әлем чемпионы атанды
16.03.2025, 23:42
Қазақстан қоржынында әзірге 3 алтын және 1 күміс медаль бар
Қазақстан бокс федерациясы
Сербияда өтіп жатқан бокстан қыздар арасындағы әлем чемпионатында қазақстандық Аида Әбікеева жеңімпаз атанды.
63 келі салмақ дәрежесінде өнер көрсеткен қазақ боксшысы финалда таиландтық Тананя Сомнуекпен жұдырықтасқан. Жекпе-жек толығымен Аиданың басымдығымен өтті және төрешілер бір ауыздан 5:0 есебін тіркеді.
Айта кетейік, бұған дейін Назым Қызайбай (48 кг) мен Алуа Балқыбекова (50 кг) да әлем чемпионы атанған болатын. Ал, 60 келіде бақ сынаған Виктория Графеева финалда ресейліктен жеңіліп, жарыстың күміс жүлдегері атанды.
Жарнама
Жарнама