Қазақстанда жекпе-жек өткізу – кері шегіну ме? Батыр Жүкембаев жауап берді
Ол 5 ақпанда Астанадағы кәсіпқой бокс кешінде өнер көрсетеді
Кәсіпқой бокстан алғашқы орта салмақта жұдырықтасатын Батыр Жүкембаев (23-1, 17 КО) «SauBall» YouTube-каналына берген сұхбатында сәуірде Астанада өтетін айқасқа дайындықтың қалай жүріп жатқанын айтты.
Әлем чемпионы атануды көздейтін Жүкембаев үшін елорда төрінде айқас өткізу рейтингіде кері кету емес пе? Былғары қолғап шебері осы сауалға жауап бере кетті.
«Әрине, көпшілік мұхиттың ар жағында айқасуға тырысады. Бірақ мен бұл жекпе-жекті мансабымда кері кету деп санамаймын. Маған екі ұсыныс түсті: наурыздың басында АҚШ-та төбелесу және сәуірде Астанада айқас өткізу. Елорда төріндегі кеш – әлемдік деңгейдегі шоу. Бұрын-соңды мұндай ауқымды іс-шаралар ұйымдастырылмаған. Сондықтан да өз жанкүйерлеріміздің алдында өнер көрсеткім келді. Бізде мұндай шоулар жиі өтіп жатқан жоқ қой. Мұнда да біз жекпе-жек өткіземіз, рейтингімізді көтереміз. Пайдасы тимесе, зияны тимесі анық», - деді Жүкембаев.
Еске салайық, 5 сәуірде Астанада кәсіпқой бокс кеші өтеді. Кештің басты оқиғасы – Жәнібек Әлімханұлы мен француз Ануаэль Нгамиссенге арасындағы жекпе-жек болады. Ал, картта Батыр Жүкембаев, Сұлтан Зауырбек, ағайынды Махмұд пен Төрехан Сабырхандар және Балауса Мұздыман жұдырықтасады.