Ангелина Лукас әлемдік рейтингте көтеріліп, «абсолюттік» чемпионға басты үміткер атанды
Бұл салмақтағы абсолютті әлем чемпионы – америкалық Габриэла Фундора
Қазақстандық кәсіпқой боксшы Ангелина Лукас (14-1, 7 КО) Boxrec.com сайтының рейтингіндегі позициясын жақсартты.
Лукас жеңіл салмақ бойынша әлемдік рейтингте үшінші орыннан екінші орынға көтерілді. Осылайша Лукас осы салмақтағы абсолютті әлем чемпионы атағы үшін жекпе-жекке басты үміткер атанды.
23 жастағы америкалық Габриэла Фундора (15-0, 7 КО) – жеңіл салмақтағы абсолютті әлем чемпионы. Ол – WBA, WBC, WBO және IBF белбеулерінің иегері. Алдағы уақытта Лукас Фундорамен жекпе-жек өткізуі мүмкін екені айтылуда.
Айта кетейік, Ангелина Лукас кәсіпқой мансабында барлығы 15 жекпе-жек өткізіп, 14 жеңіске жеткен. Жеті жекпе-жекті мерзімінен бұрын аяқтаса, бір кездесуде жеңілген болатын.