Азия чемпионаты: Екінші жарыс күнінде алты боксшының төртеуі жеңілді
World Boxing ұйымының ұйымдастыруымен өтіп жатқан тұңғыш құрлықтық жастар турнирі.
Бангкокте (Таиланд) бокстан жастар арасында өтіп жатқан Азия чемпионатының екінші күні аяқталды.
Қазақстандық былғары қолғап шеберлерінің нәтижелері мынадай:
Ерлер:
50 кг - Нұрзат Оңғаров Вики Тахумил Джуниорға (Индонезия) есе жіберді (төрешілердің басым дауысымен)
55 кг - Бексұлтан Боранбек төрешілердің ортақ шешімімен Самандар Олимовке жол берді (Өзбекстан)
60 кг - Нұрислам Қалдыбаев Сон Хун Юды (Оңтүстік Корея) үшінші раундта техникалық нокаутпен жеңді
65 кг - Илья Калинин Прит Маликті (Үндістан) жеңді
Әйелдер:
51 кг - Томирис Мырзақұл Ким Рён Гённен (Оңтүстік Корея) ұтылды
57 кг - Виктория Байдукованың Хуморабону Мамажоноваға (Өзбекстан) шамасы жетпеді.
Айта кетейік, Бангкоктегі U-19 және U-22 жас санатындағы Азия чемпионаты - World Boxing ұйымының ұйымдастыруымен өтіп жатқан тұңғыш құрлықтық жастар турнирі.