Данияр Елеусіновтің келесі жекпе-жегі қашан өтетіні белгілі болды

Қазақстандық боксшы Данияр Елеусінов (12-0, 7 КО) келесі жекпе-жегін қашан өткізетінін айтты.

Ол жақында ғана ұзақ уақыттан кейінгі үзілістен соң, шаршы алаңға оралған болатын.

«Енді қыркүйек айында кезекті жекпе-жек өткіземін. Келер жылдан бастап MMA-дағы UFC сияқты жаңа промоушн Zuffa басталады. Ол жақтағы кездесулер оңай болмайды. Қазіргі өткізіп жатқан айқастарым – сол үлкен жекпе-жектерге дайындықтың бір бөлігі. Бірақ әзірге қарсыласымның кім екені белгісіз. Белгілі болған да ресми түрде хабарлаймыз», - дейді Елеусінов.

Айта кетейік, Данияр АҚШ-та 19 шілде күні Вашингтон қаласында өткен бокс кешінде филиппиндік Джеймс Бэконды (26-6, 17 KO) екінші раундта нокаутқа түсіріп, жеңіске жеткен еді.

Бұл оның 4 жыл 8 ай ішіндегі Америкада өткізген алғашқы жекпе-жегі. Ал соңғы рет ол Алматыда  филиппиндік Джо Нойнаянаға (23-5-2, 11 KO) қарсы жұдырықтасып, бәсеке тағдырын мерзімінен бұрын шешкен.