Дмитрий Биволдың экс-әйелі денесіне өзгеріс жасады
Енді өзім қалағандай тепе-теңдікті таптым
Кәсіпқой бокстан жартылай ауыр салмақта әлемнің абсолютті чемпионы болған Дмитрий Биволдың экс-әйелі Екатерина Бивол балаларын құрметтеу мақсатында жаңа татуировка жасатты.
Ол үш лотос гүлін салдырғанын айтып, бұл таңбаның мағынасын түсіндірді.
Татуировканың мәні
«Үш лотос гүлінің суретін салып жатырмыз. Бұл – тыныштық пен тепе-теңдіктің белгісі. Үшеу. Мен және менің балаларым. Олар бұл идеяны қатты ұнатты. Ажырасқан кезде феникс салдырған едім, ол менің өліп, қайта тірілгенімді бейнелейтін. Енді өзім қалағандай тепе-теңдікті таптым. Лотос – менің балаларыммен бірге үйлесімділіктің символы. Біз көп нәрседен өттік. Егер сыртқы күресім әлі бітпесе, ішкі күресімнің аяқталғанын сеземін», - деп жазды Екатерина.
Ажырасу жайлы мәлімет
Дмитрий мен Екатерина Бивол ресми түрде ажырасып кеткен. Әйелінің айтуынша, олардың некесінің бұзылуына күйеуінің танымал болғаннан кейін өзіне деген қарым-қатынасының өзгеруі себеп болған. Екатерина өзін күйеуінің өмірінде «артық адамға» айналғанын, сондай-ақ Дмитрийдің өзін материалдық жағдайға лайық емес деп кемсіткенін мәлімдеді. Бұдан бөлек, ол бұрынғы жарын тұрмыстық зорлық-зомбылық жасады деп айыптаған. Сондай-ақ шымкенттік енесінің де қатысы барын айтады.
Өз кезегінде Дмитрий Бивол бұл айыптауларды жоққа шығарып, бұрынғы әйелінің әрекетін «имморальды» деп атап, онымен ешқандай қарым-қатынас жасағысы келмейтінін айтқан.