Қазақстанның екінші боксшысы әлем чемпионатын ерте аяқтады
Қытайлық Лина Уангпен қолғап түйістірді.
Қазақстандық боксшы Надежда Рябец Англияның Ливерпуль қаласында өтіп жатқан 2025 жылғы әлем чемпионатының 1/8 финалында жеңіліп қалды.
75 келі салмақ дәрежесінде сынға түскен отандасымыз қытайлық Лина Уангпен қолғап түйістірді. Тартысты өткен жекпе-жектің қорытындысы бойынша төрешілер жеңісті Уангқа берді. Сөйтіп ол ширек финалға жолдама алды. Ал Рябец Қазақстан боксшыларынан екінші болып, жарысты аяқтады. Бұған дейін 54 келіде өнер көрсеткен Элина Базарова бірінші айналымда өзбек боксшысына есе жіберген.
Айта кетейік, Лина Уанг – 2018 жылғы әлем чемпионы, сондай-ақ үш дүркін қола жүлдегері (2019, 2025) және 2023 жылғы күміс жүлдегері. Ал Надежда Рябец 2023 жылғы әлем чемпионатының қола жүлдегері болған.