«Әл Иттихад» Мохамед Салахты 200 млн фунтқа сатып алмақшы

Сауд Арабиясының «Әл-Иттихад» футбол клубы «Ливерпуль» шабуылшысы Мохамед Салахты сатып алу үшін келіссөз жүргізіп жатыр деп хабарлады Sports.ru.

Англия клубы Салахты сатқысы келмейтінін мәлімдесе де арабтар 200 млн фунт ұсынған. Daily Mail хабарлауынша, арабтардың делегациясы қазір Лондонға арнайы келіп, «Ливерпуль» басшыларын көндіру үшін барын салуда.

Саудиядағы трансферлік кезең осы аптаның бейсенбісінде аяқталады. Егер сейсенбі күні Салах бойынша келіссөз оң шешілмесе «Әл-Иттихад» басшылары Еуропадан басқа футболшыларды қарастырады.

Саудиялық команда басшыларының айтуынша, Салахтың өзі команда ауыстыруға қарсы емес. Тек «Ливерпуль» директорлары оны жібергісі жоқ.