Юрген Клопп «Барселонаға» бапкер болудан бас тартты

«Ливерпуль» клубының бас бапкері Юрген Клопп келесі маусымда «Барселонаны» жаттықтырмайды деп хабарлады Catalunya Radio.

Бұған дейін каталондық команданың президенті Жоан Лапорта неміс маманымен келіссөз жүргізетінін мәлімдеген болатын. Дегенмен, Клопп маусым аяқталғаннан кейін «Ливерпульдан» кетіп, бір жыл демалуға шешім қабылдағанын және бұл шешімін ешкім өзгерте алмайтынын айтты.

Айта кету керек, «Барселона» бапкері Хави де биылғы маусым аяқталғаннан кейін отставкаға кетеді. Оның мұндай шешім қабылдауына команданың ішкі чемпионатта сәтсіз өнер көрсетуі себеп болған. Осыдан кейін клуб басшылары жаңа бапкер іздеуге кірісіп кетті.