Луиш Нани алаңға шыға салып, нәтижелі әрекетімен көзге түсті

Португалиялық жартылай қорғаушы Луиш Нани Қазақстан Премьер-лигасындағы алғашқы ойынында нәтижелі әрекетімен көзге түсті.

ҚПЛ-2026 маусымының алғашқы турында «Актобе» Түркістанда қостанайлық «Тобылды» қабылдап, сенімді жеңіске жетті – 4:1.

Нани матчтың 71-минутында алаңға шықты. Араға небәрі үш минут салып, ол нәтижелі пас беріп, Иван Ордецтің гол соғуына мүмкіндік жасады. Осылайша португалиялық футболшы Қазақстан чемпионатындағы алғашқы ассистін тіркеді.

Есепті ойынның 24-минутында Даниэль Соса ашты. Ол Алексей Шушеначевтің пасын дәл аяқтап, «Актобені» алға шығарды. 39-минутта «Тобыл» ойыншысы Максим Мякиш қызыл қағаз алып, қонақтар алаңда он ойыншымен қалды.

Екінші таймда алаң иелері басымдығын арттыра түсті. 46-минутта Айдин Желькович Сосаның пасынан кейін есепті 2:0-ге жеткізді. 68-минутта Тимур Досмагамбетов үшінші голды соқты.

72-минутта қонақтар сапынан Жаслан Жумашев бір голмен жауап берді. Алайда көп ұзамай, 74-минутта Иван Ордец Луиш Нанидің пасынан кейін гол соғып, матчтағы соңғы нүктені қойды.

ҚПЛ-2026. 1-тур
«Актобе» – «Тобыл» 4:1

Голдар: Соса, 24 (1:0), Желькович, 46 (2:0), Досмағамбетов, 68 (3:0), Жұмашев, 72 (3:1), Ордец, 74 (4:1).
Қызыл қағаз: Мякиш, 39 («Тобыл»).

Осылайша, «Актобе» жаңа маусымды сенімді жеңіспен бастап, турнир кестесінде алғашқы үш ұпайына қол жеткізді.