«Хапоэльге» ауысқан Артур Шушеначев бірінші голын соқты (ВИДЕО)
18.02.2024, 10:46
Оның командасы тең ойнады
Sports.kz
Қазақстан құрамасының шабуылшысы Артур Шушеначев «Хапоэль Беэр Шева» клубындағы алғашқы голын соқты.
Израиль чемпионатының кезекті турында «Хапоэль» Петах-Тиква қаласының «Маккаби» клубымен кездескен болатын. Ойынның 78-минутында қорғаушылар арасынан сытылып шыққан Шушеначев гол соғып, есепті теңестірген (1:1). Алайда, оның командасы жеңіске жете алмады.
22 ойынның нәтижесінде «Хапоэль Беэр Шева турнир кестесінің үшінші сатысында келеді. Бірінші орында хайфалық «Маккаби» болса, екінші орында тельавивтік «Маккаби» тұр.