Футболдан Қазақстан чемпионатының соңғы туры көрермендерсіз өтетін болды
29.10.2023, 00:01
Бұл күні 6 матч өтеді
astanagid.kz
Қарағанды облысындағы Костенко шахтасында болған қайғылы оқиғадан кейін бүкіл ел аумағында 29 қазан қаралы күн болып жарияланды.
Бұл күні футболдан Қазақстан чемпионатының 26 турында 6 матч жоспарланған. Олардың барлығы көрермендерсіз өтеді деп хабарлады «Ақтөбе» футбол клубының спорттық директоры Асхат Қалжанов.
Сондай-ақ, ойындардың барлығы бір минуттық үнсіздікпен басталады.
Жексенбі күні биылғы маусымның соңғы ойынын төмендегі командалар өткізеді:
- Қызылжар – Қайсар
- Атырау – Қайрат
- Ақсу – Тобыл
- Каспий – Ордабасы
- Шахтер – Астана
- Ақтөбе – Жетісу
Айта кетейік, биылғы маусымда шымккенттік «Ордабасы» уақытынан ерте Қазақстанның чемпионы атанып қойды. Ал, «Каспий» мен «Ақсу» Премьер-лигадан шығып қалды.