Францияның футбол ардагері Клод Макелеле су тасқынынан зардап шеккен ақтөбеліктермен кездесті
Бұған дейін Қазақстанға тағы бір аңыз футболшы Флоран Малуда келген болатын
Франция ұлттық құрамасы мен ағылшындық «Челси» командасының бұрынғы ойыншысы Клод Макелеле Ақтөбе облысына келді. Ол өңірде су тасқынынан зардап шеккен тұрғындармен кездесіп, балаларға қолтаңба таратты деп хабарлайды Қазақпарат.
Футбол ардагері Қ.Жұбанов атындағы Ақтөбе өңірлік университетінің жатақханасындағы уақытша орналастыру пунктіне барған. Ол балаларға футбол жейдесі мен доптарын сыйға тартып, болашағын футболмен байланыстарын жас өрендерге алаңда доп тебудің қыр-сыры, әдіс-тәсілдерін үйретті.
Есімі аңызға айналған футболшы Ақтөбе қаласына «Super bol» - таланттарды таңдауға арналған шараның құрметті қонағы ретінде келген. Жобаның мақсаты – әуесқой ойыншыларды кәсіпқой футбол деңгейіне дейін көтеру.