«Қайсар» клубында ойнаған танымал футболшы қайтыс болды
02.06.2024, 20:36
Ол қызылордалық клубпен бірге Бірінші лиганы екі рет жеңіп, Қазақстан кубогінің иегері атанған еді
Қайсар ФК
Қызылордалық «Қайсар» футбол клубының бұрынғы ойыншысы Олжас Алтаев 35 жасында қайтыс болды. Бұл туралы клубтың Instagram-парақшасында хабарланды.
«Олжас Алтайұлы “Қайсар” футбол клубы сапында 2013-2021 жылдар аралығында доп теуіп, команданың алға қойған мақсатын орындауға өз үлесін қосты», - деп жазылған аталған хабарламада.
Олжас Алтаев «Қайсар» сапында Бірінші лиганың 2 дүркін жеңімпазы және Қазақстан кубогының иегері атанған. Марқұмның неден қайтыс болғаны айтылмаған.