«Истанбул Башакшехир» ойыншысы Бахтиер Зайнутдиновтың мұрнын сындырды (ВИДЕО)

Қазақстан құрамасының және «Бешикташ» футбол клубының жартылай қорғаушысы Бахтиер Зайнутдиновтың мұрны сынды. Түркия Суперлигасының кезекті турында оның командасы «Истанбул Башакшехирмен ойнаған болатын.

Ойынның 41-минутында Бахтиер қарсылас клубтың ойыншысы ганалық Джером Опукумен соқтығысқан. Салдарынан Зайнутдиновтың мұрны сынып кетті. 

Айта кетейік, Қазақстан құрамасы 17 қарашада өз алаңында Сан-Мариноны қабылдайды. Бұл – Еуропа чемпионатына іріктеу турнирі аясындағы соңғы екі ойынның бірі. Бахтиер Зайнутдинов аталған матчқа арнайы маска киіп шығуы мүмкін.