Түркия клубы Абат Айымбетовтің болашағына қатысты мәлімдеме жасады

Түркияның «Адана Демирспор» клубы жаңа маусымға даярлығы жайлы мәлімдеме жасады. 

Команда маусым алдындағы жұмысын Болуда өткен жаттығу жұмыстарынан бастады. Жаттығу бас бапкердің көмекшісі Недим Аскеридің жетекшілігімен өтіп, ойыншылардың төзімділігі тексерілді.

Бұдан бөлек футболшылардың ұлттық құрамалардағы оқу-жаттығу жиындарының күндері анықталды. Белгілі болғандай, Қазақстан ұлттық құрамасының шабуылшысы Абат Айымбетов «Адана Демирспор» жаттығуына 7 шілдеде қосылады. 

Қазақстандық аяқдоп шебері Түркия клубының қатарына 2024 жылғы ақпаннан бері өнер көрсетеді. Абат «Адана Демирспор» сапында 9 матчта бір гол соқты.