Ресми: Магомед Адиев ешқандай клубты жаттықтырмайтынын мәлімдеді
27.11.2023, 09:42
Бұған дейін оның «Ақтөбе тізгінін» ұстайтыны хабарланған
Қазақстан футбол федерациясы
Футболдан Қазақстан ұлттық құрамасының бас бапкері Магомед Адиев ҚПЛ-дегі клубтардың ешбірін жаттықтырмайтын болды. Бұл туралы маманның өзі мәлімдеді.
Еске салсақ, бұған дейін бас бапкердің «Ақтөбе» ФК тізгінін ұстайтыны хабарланған еді. Бұл ақпаратты ресейлік маман жоққа шығарды.
«Менің қазіргі басты мақсатым – Қазақстан құрамасын алдағы наурызда болатын ойындарға дайындау. Мақсатым да, арманым да – 2024 жылы болатын Еуропа чемпионатына Қазақстан құрамасымен бірге қатысу. Сол үшін мен қазір ешқандай клубты жаттықтырмаймын», - деді Магомед Адиев.