«Топтан шығуы екіталай»: «Астана» Конференция лигасында «Динамодан» жеңіліп қалды
30.11.2023, 23:19
Соңғы матчты астаналық команда 15 желтоқсанда викториялық «Пльзеньге» қарсы өткізеді
Instagram/fca.astana
Еуропаның Конференция лигасында өнер көрсетіп жатқан «Астана» футбол клубы кезекті рет жеңілді. Өз алаңында Загребтің «Динамосын» қабылдаған жерлестеріміз өз қақпасына жауапсыз екі гол жіберіп алды.
Хорватиялық команда сапынан 48-минутта Габриел Видович есепті ашса, 79-минутта Такуро Канэко есепті еселеді.
Айта кету керек, матчтың 12-минутында төреші «Астананың» пайдасына пенальти белгілеген. Алайда, Дембо Дарбо 11 метрлік айып добын соға алмады. Ал, 72-минутта астаналық клуб сапынан Душан Йованович екінші сары қағазын алып, алаңнан қуылды.
Осылайша, «Астана» өз тобында төртінші орынға табан тіреп, плей-офф кезеңіне шығу мүмкіндігін қиындатып алды.