Қуат Хамитов қай футбол клубтарын қаржыландыруға болатынын айтты

Күні кеше кәсіпқой бокстағы дебютін сәтті бастаған аралас жекпе-жек шебері Қуат «Найман» Хамитов Қазақстанның қай футбол клубтарын қаржыландыруға болатынын мәлімдеді.

Айта кетейік, осыған дейін Қуат Хамитов отандық футболды өткір сынап, халық ақшасын аталған спортқа бермеуді талап етіп келген еді. Енді оның ойы өзгере бастаған секілді.

«Мен қаржыландыруды түгел тоқтатпай, тек оны әділетті жасар едім. Қазақстан мен шетелде жақсы нәтиже көрсеткен үш клубты ғана мемлекет тарапынан қаржыландырушы едім», - деді Хамитов.

Айта кетейік, 28 қыркүйекте Алматыда өткен кәсіпқой бокс кешінде Қуат «Найман» Хамитов тағы бір файтер Нұрберген Шәріппен жұдырықтасып, жеңіске жетті.