«Манчестер Юнайтед» Эрик тен Хагты ақыры қуып тынды

Англияның «Манчестер Юнайтед» командасының бас бапкері Эрик тен Хаг қызметінен кетті. Бұл туралы клубтың баспасөз қызметі хабарлады. Әзірге бас бапкердің міндетін Рууд ван Нистелрой атқарады.

Айта кетейік, Эрик тен Хаг Манчестер қаласының клубына 2022 жылы сәуірде келген. Нидерланды маманы 2022/2023 жылғы маусымда Англияның лига кубогын жеңіп алды. Ал былтырғы маусымда Англия кубогына қол жеткізді.

Қазіргі кезде «Манчестер Юнайтед» премьер-лигада 9 турдан кейін 14-орында келеді. Команда бар-жоғы 11 ұпай жинаған. «Қызыл сойқандар» келесі матчын 3 қарашада «Челсимен» өткізеді.