Қазақстан құрамасының шабуылшысы ресейлік клуб сапында гол соқты

Қазақстан құрамасының шабуылшысы алғаш рет ресейлік клуб сапында гол соқты. Ол қазір Испания құрамасының бұрынғы бас бапкерімен жұмыс істейді.

«Сочи» клубының ойыншысы Артур Шушеначев Ресей кубогының аясында екінші лигада өнер көрсететін «Спартак» қақпасынан саңылау тапты.

Шушеначев «Сочи» сапында осымен алты ойынға қатысып отыр. Естеріңізде болса, ол ресейлік клубқа Израильдің  «Хапоэль Беэр-Шевасынан» жалға беру құқығымен ауысқан. «Сочи» Ресейдің бірінші лигасында алтыншы орында тұр: алғашқы екеуі РПЛ-ге тікелей шықса, үшінші және төртінші орында тұрған клубтар жолдаманы өзара сарапқа салады. Шушеначев ойнайтын клубты Испания құрамасы мен «Монаконың» бұрынғы бапкері Роберто Морено баптайды.