Қайрат Нұрдәулетов «Ертіске» бас бапкер болып тағайындалды
Ол бұған дейін «Мақтаарал» мен «Жетісу» командаларын жаттықтырған
Қазақстандық танымал футбол маманы, ұлттық құраманың экс-капитаны Қайрат Нұрдәулетов «Ертіске» бас бапкер болып тағайындалды. Бұл туралы павлодарлық клубтың баспасөз қызметі хабарлады.
Айта кету керек, «Ертіс» клубы былтыр қайта құрылып, ел чемпионатын екінші дивизионнан бастаған еді. Биыл команда Бірінші лигада бағын сынайды.
Ал, Қайрат Нұрдәулетовтің өзі 2002-2004 жылдар аралығында «Ертістің» сапында өнер көрсетіп, екі рет ел чемпионы атанған. Сонымен қатар, павлодарлық клубтан Ұлттық құрамаға шақырту алып, уақыт өте құраманың капитаны атанды.
Бұған дейін Нұрдәулетов Премьер-лигадағы «Мақтаарал» және «Жетісу»командаларының бас бапкері болған. Сонымен қатар, Қазақстан жастар құрамасын жаттықтырды.