«Қызылжар» клубының бас бапкері Али Алиев қызметінен кетті

ҚПЛ-дың өткен маусымында СҚО-ның «Қызылжар» клубын жаттықтырған Али Алиев бұл қызметінен кетті. Ол алдағы уақытта ҚФФ-ға қызметке баруы мүмкін.

«Қызылжар» былтыр ел чемпионатын тоғызыншы орынмен аяқтады. 24 матч өткізген петропавлдық клуб 8 ойында жеңсе, 11-де жеңіліп, бес ойында тең нәтиже тіркеген.

44 жастағы Али Алиев болса «Қызылжарды» 2022 жылдан бері жаттықтырған. Ол командамен 86 матч өткізіп, оның 30-да жеңіске жетсе, 35-де жеңілген. Тағы 21 матч тең аяқталған.

Бейресми мәліметке сәйкес, Алиев жақын күндері футболдан Қазақстан жастар құрамасына бас бапкер болып тағайындалуы мүмкін.