Черчесов Қазақстан футбол федерациясының жаңа президентімен кездеседі

Футболдан Қазақстан құрамасының бас бапкері Станислав Черчесов бірер күнде жұмыс бабымен Астанаға ұшып келеді.

Спорт Экспресс мәліметінше, соның ішінде ол Қазақстан футбол федерациясының жаңа президентімен кездеседі деп күтілуде.

ҚФФ президенті 2024 жылдың соңында ауысты. Ал Черчесовті шақырған федерацияның бұрынғы басшысы Әділет Бәрменқұлов былтырғы қараша айында өз еркімен қызметінен кеткен. Федерация тізгінін 20 желтоқсан күні Марат Омаров алды.

Басшылық ауысқан соң Станислав Саламұлымен келісімшарт та бұзылады деген сыбыс тараған, алайда федерация мұны жоққа шығарды.