Азат Нұрғалиев «Қызылжар» клубының бапкерлер штабына енді
13.01.2025, 16:56
Азат Мәлікұлы — елімізге танымал футболшы
әлеуметтік желі
Азат Нұрғалиев «Қызылжар» футбол клубының бапкерлер штабына қосылды. Бұл туралы клубтың баспасөз қызметі мәлімдеді.
Азат Мәлікұлы — елімізге танымал футболшы. Ойыншы мансабында «Ордабасы», «Тобыл», «Астана», «Жетісу», «Сұңқар» командаларында өнер көрсетті.
Футболшы ретінде үш мәрте ел чемпионы және Қазақстан кубогының, Суперкубок иегері. Ұлттық құраманың сапында экс-капитан 44 матч өткізіп, 3 гол соққан.