Хосеп Гвардиола 30 жыл отасқан әйелімен ажырасты

«Манчестер Ситидің» бас бапкері Хосеп Гвардиола 30 жыл бұрын отасқан әйелі Кристина Серрамен ажырасты деп жазады Sport.es.

Дереккөздің мәліметінше, Гвардиола мен Серра 2024 жылдың желтоқсанында құпия түрде ажырасқан. 

Жұлдызды жұп 1994 жылы некелескен болатын. Ол кезде Гвардиола «Барселона» сапында өнер көрсеткен. Ал, үйлену тойын олар 2014 жылы ғана жасады.

Алдын ала болжам бойынша, ерлі-зайыптының арасы 2016 жылдан бастап суып бастаған. Ол кезде Гвардиола «Манчестер Ситиге» бас бапкер болып тағайындалып, осы қалаға көшіп келеді. Ал, Серра болса өз бизнесін жүргізу үшін Барселона мен Лондон арасында негізгі уақытын өткізді. Екеуі тек отбасылық мерекелерде және қысқа мерзімді демалыстарда ғана кездесіп жүрген.

53 жастағы Гвардиола мен 52 жастағы Серраның ортақ үш баласы бар. Үлкені – Мария 24 жаста болса, Мариус – 22-де, ал кіші қыз Валентина биыл 18-ге толады.