Қазақтардың көзі өтті ме? Өзбек футболшысын «Сити» алмайтын болды
Олар бразилиялық орталық қорғаушы Витор Рейсті таңдады
Ағылшынның «Манчестер Сити» клубы бразилиялық орталық қорғаушы Витор Рейсті қатарына қосу туралы шешім қабылдады.
Инсайдер Фабрицио Романоның жазуынша, «қалалықтар» «Палмейрастың» 19 жастағы ойыншысы үшін 40 миллион еуро төлеуге дайын.
Zamin.uz сайтының мәліметінше, ағылшын клубы Өзбекстан құрамасының 20 жастағы қорғаушысы Абдукодир Хусановпен келісімшарт жасаудан бас тартқан.
Осы аптада Витор медициналық тексерістен өтіп, келісімшартқа отыруы керек.
Рейс – болашағынан үміт күттіретін ойыншы. Былтырғы маусымда 38 матчта екі гол соққан. Transfermarkt оны 14 миллион еуроға бағалаған.
Бұған дейін БАҚ беттерінде «Манчестер Ситидің» «Ланспен» Хусанов бойынша келіссөздер жүргізіп жатқаны туралы ақпарат тарады. «Сити» өзбек футболшысы үшін 50 миллион еуро беруге дайын болған.