«Бірге футбол ойғанбыз»: Италияда Тоқаевтың ерекше суреті табылды

Италияда білім алатын қазақстандық студент президент Қасым-Жомарт Тоқаевтың ерекше фотосуретін тауып алды.

Tengrinews.kz жариялаған материалда мемлекет басшысының футбол ойнағанын көруге болады.

Жанел Шайманова италиялық Сапиенца университетінде оқиды. Бойжеткен Римдегі пиццериялардың біріне тамақтануға барып, қызықты жайттың куәсі болған. Дәмхананың иесі қонақ қыздың қазақ тілінде сөйлей алатынын естігенде, өзі де қазақша білетінін мақтанышпен айтқан. Одан қалды Қазақстан президентімен футбол ойнаған суретін көрсеткен.

Ер адам тоғыз жыл бойы біздің елдегі Италия өкілдігінде жұмыс істеп, қазақ тілін меңгеріп алған екен. Қазақстанға деген құрметі де бөлек екенін жеткізген.