Өзбекстан президенті «Манчестер Сити» президентімен кездесті
Өзбек халқы мұны жақсы ырымға балап отыр
Өзбекстан президенті Шавкат Мирзиёев Абу-Дабиге жасаған іс-сапары барысында БАӘ-нің вице-президенті, «Манчестер Сити» клубының иесі шейх Мансур әл-Нахайянмен кездесті.
Кездесу барысында көпжоспарлы ынтымақтастықты одан әрі арттырудың және басым бағыттардағы практикалық өзара іс-қимылдың өзекті мәселелері қаралды.
Ал өзбекстандық БАҚ өкілдері бұл жүздесі өзбек қорғаушысы Абдукодир Хусановтың «қалалықтар» сапына ауысу процесін жылдамдатады деген үміт білдіріп отыр.
Соңғы бірнеше аптада француздың «Ланс» клубының өзбекстандық ойыншысы «Сити» сапын толықтырады деген хабар желдей есіп жүр. Тіпті трансфер құны 40 миллион еуроны құрайтыны да айтылып жатыр.
Дегенмен, белгілі спорт инсайдері Фабрицио Романо Хусановтың «Манчестер Ситиге» ауыспайтынын мәлімдеп отыр.