Қазақстандық агенттің көмегімен Абдукодир Хусанов «Манчестер Ситимен» келісімшартқа отырды
18.01.2025, 22:14
Енді ол 45-нөмірмен өнер көрсетеді
Getty images
Өзбекстандық қорғаушы Абдукодир Хусанов өзінің агенті Ұлықбек Асанбаевпен бірге Манчестерге ұшып барды.
20 жастағы футболшы британиялық ұжыммен келісімшартқа қол қойған және енді 45-нөмірмен өнер көрсетеді. Келісімшартқа қол қою рәсіміне «қалалықтардың» бас бапкері Пеп Гвардиола қатысты. Негізі дәл осы Пеп Хусановтың қатарға қосылуына мүдделі болған еді.
Бұған дейін Өзбекстан құрамасының ойыншысы Беларусьтің «Энергетик-БГУ» клубында өнер көрсетіп, сонан соң француздың «Ланс» сапына ауысқан.
19 қаңтар күні «Манчестер Сити» клубы Англия чемпионаты аясында сырт алаңда «Ипсвич Таунмен» кездеседі. Ал 22 қаңтарда Чемпиондар лигасында ПСЖ-ға қонаққа барады.