Дастан Сатпаевтың «Челсиге» ауысатыны туралы ВВС журналисі мәлім етті

Британияның белгілі телеарнасы ВВС-дің журналисі Низар Кинселла Алматының «Қайрат» клубының жас шабуылшысы Дастан Сатпаевтың Лондонның «Челси» клубына ауысатынын мәлім етті.

«Жас қазақстандық шабуылшы Дастан Сатпаев «Челси» клубының академиясына қосылады. Оның жасы 16-да», - деп жазды Кинселла Х әлеуметтік желісінде.

Айта кетейік, Дастан Сатпаев желтоқсан айында «Челсиға» сынақтан өтуге барып келген. Былтыр шабуылшы Қазақстан U-19 құрамасында және «Қайраттың» QJ League-дағы командасында ойнап шықты. Бұл лигада 12 матчта 19 гол соғып, 7 нәтижелі пас берген.