«Челси» Дастан Сәтпаев үшін 4,3 млн еуро төлейді
Бұл қазақстандық футбол тарихындағы рекордтық келісім
«Челси» қазақстандық жас футболшыны 4,3 миллион еуроға сатып алмақ.
Ресейлік инсайдер Иван Карпов «Челси» клубы «Қайрат» шабуылшысы Дастан Сәтпаев үшін қомақты қаражат төлеуге дайын екендігін алға тартты.
Инсайдердің мәліметінше, «ақсүйектер» алматылық футболшы үшін 4,3 миллион еуро береді. Бұл қазақстандық футбол тарихындағы рекордтық келісім.
«Соның ішінде 2,4 миллион еуро – нақты төлем, ал қалғаны «Қайрат» немесе жалға берілген өзге клуб сапында өткізген ойындары үшін бонус ретінде қарастырылады. Бес жылдық келісімшарт 2026 жылы – Дастан 18 жасқа толғанда күшіне енеді.
Бұған дейін «Қайрат» Нұралы Әліпті «Зенитке» 2 миллион еуроға сатып рекорд орнатқан.
Сәтпаевқа қызығушылық танытқандар арасында «Зальцбург», «Байер», «Бенфика» мен «Реал Сосьедад» бар. Алайда «Челси» Дастанды өз қатарында көру үшін барын салды», - деді Карп.