Түркістанның «Тұран» клубы жаңа бас бапкерін таныстырды

Соңғы 2,5 жылда «Атырауды» жаттықтырған беларусь маманы Виталий Жуковский Түркістанның «Тұран» клубының бас бапкері болып тағайындалды.

40 жастағы маман бұған дейін мұнайлы өлкеде қызмет еткен. Оның ең жоғары жетістігі – «Атыраумен» былтыр Қазақстан кубогының финалына дейін жетуі болды. Ал Премьер-лигада жетінші орыннан әрі аса алмады.

Ал, «Тұран» 2024 жылы Қазақстан чемпионатын 12-орынмен аяқтап, Премьер-лигада орнын сақтап қалды. 

Виталий Жуковский «Атырауға» дейін өз еліндегі «Ислочь» пен БАТЭ клубтарын жаттықтырған. Ол «Тұранда» қазақстандық маман Ринат Әлеуетовті алмастырды.