Бақтиер Зайнутдинов Испанияның Ла Лигасында ойнауы мүмкін
Қазақстандыққа қызығушылық танытқан клуб турнир кестесінің соңғы сатысында келеді
Түркияның «Бешикташ» клубы мен Қазақстан құрамасының жартылай қорғаушысы Бақтиер Зайнутдинов мансабын Испания чемпионатында жалғастыруы мүмкін.
Журналист Сердар Сарыдагтың хабарлауынша, Испанияның Ла Лигасының «Реал Вальядолид» клубы Стамбұл клубына Зайнутдиновты жалға алу туралы ұсыныс жасаған. «Бешикташ» басшылығы міндетті сатып алу опциясы бар ұсынысқа ашық болатындарын айтты.
«Бешикташ» Зайнутдиновты міндетті түрде сатып алусыз жалға беру мүмкіндігін қарастырмайды деп хабарланды.
Биылғы маусымда Бактияр Зайнутдинов Стамбұл клубы сапында 12 матч өткізіп, бір нәтижелі пас берді. Гол соға алған жоқ.
«Реал Вальядолидке» келетін болсақ, бұл команда 21 турдан кейін Ла Лигада соңғы, 20-шы орында.