Легионерден бас тартқан «Қайсар» жаңа маусымдағы құрамы мен бюджетін жариялады

Қызылорданың «Қайсар» футбол клубы биыл ҚПЛ-де легионерсіз ойнайтын жалғыз команда болмақ. Облыс әкімдігі клубтың бюджетін қысқартып, негізінен жергілікті футболшыларға акцент қоятынын бұған дейін мәлімдеген.

«Қайсардың» баспасөз хатшысы Ерасыл Шәрібектің айтуынша, биылғы маусымда қызылордалық команда 1,2 млрд теңгені барлық шығынға жеткізуге тырысады. Өйткені, облыс әкімдігінің бөлген қаражаты осы ғана.

Қаржының аз болуы және легионерлердің болмауы себебінен клуб басшылығы футболшыларға үлкен мақсат қойып отырған жоқ. Қызылордалықтар биыл жүлделі орынға таласуды армандамайтын да сияқты. Өйткені, қазіргі басты мақсат – Премьер лигадан «ұшып» кетпеу.