Қайрат Боранбаев 37 жастағы Артем Дзюбаны тағы да «Қайратқа» шақырды
Футболшы Тольятти командасында 2024 жылдан бері ойнап келеді
Алматының «Қайрат» футбол клубы бақылау кеңесінің төрағасы Қайрат Боранбаев ресейлік шабуылшы Артем Дзюбаға ұсыныс жасағанын айтты.
«Қайрат» клубы қазір «Акрон» клубында ойнайтын шабуылшыны сатып алуды қарастырып жатқан көрінеді. Футболшы Тольятти командасында 2024 жылдың қыркүйегінен бері ойнап келеді. Оның «Акронмен» келісімшарты 2025 жылдың жазына дейін жасалған.
«Мен Дзюбамен жеке таныспын, сөйлесіп тұрамыз. Біз бір-бірімізді бұрыннан танимыз. Енді Артем Александр Кержаковтың рекордын жаңартқысы келеді. Өйткені Кержаков 233 гол соққан. Дзюбада 232 гол бар. Тығыз байланыстамыз, Артемді күтеміз», - деді Қайрат Боранбаев.
Биылғы маусымда 36 жастағы Дзюба «Акрон» үшін барлық турнирлерде 11 кездесу өткізіп, 3 гол соқты. Ол Александр Кержаковтың рекордын басып озып, Ресей тарихындағы үздік бомбардир болу үшін екі гол соғуы керек.