Ресейлік сайт Қазақстанның Лихтенштейнмен матчына болжам жасады
Қазақстан алғашқы кездесуінде Уэльстен (1:3) жеңілді
Ресейдің «Футбол на Куличках» сайты Лихтенштейн - Қазақстан матчына болжам жасады.
«Лихтенштейн ұлттық командасынан жарыс алдында ешкімнің керемет нәтиже күтпегені анық, іріктеу циклінің бастапқы кезеңі де бұл ұжымның ұпай сыйлаушының рөлінде екенін көрсетіп берді. Қазақстанға қарсыласының арқасында сенімді жеңіске жетіп, жігерленіп алуына тамаша мүмкіндік туып тұр. Оның үстіне Уэльспен өткен кездесу Қазақстанның ойыны соншалықты мардымсыз емес екенін көрсетті, – делінген ақпаратта.
Фактілер:
– Бұған дейін бұл екі команда өзара кездеспеген;
– Лихтенштейн алғашқы турда өз алаңында Солтүстік Македониядан ірі есеппен жеңілді (0:3);
– Қазақстан алғашқы кездесуін Уэльспен (1:3) жеңілістен бастады;
– Лихтенштейн қатарынан үш матчта жеңіліске ұшырады;
– Лихтенштейннің ресми матчтағы соңғы жеңісі 2020 жылдың қыркүйегінде Сан-Мариноға қарсы (2:0) тіркелген;
– Лихтенштейн өз алаңында 2018 жылдың қыркүйегінен бері жеңіске жетпеген, сол кезде олар Гибралтарды (2:0) ұтқан.