Абдукодир Хусановтың Англияда қандай көлікпен жүретіні анықталды
Ұлықбек Асанбаев тарту еткен Mercedes-Benz жол талғамайтын көлігін ол Ташкентке тастап кеткен секілді
«Манчестер Сити» клубының фан-парақшасы Өзбекстан құрамасының қорғаушысы Абдукодир Хусановтың қандай көлік мінетінін көрсетті.
«Манчестер Сити» клубының жанкүйерлік парақшасы команда ойыншыларының жаттығу базасына келіп жатқан сәтінен видео жариялады. Бейнежазбада ерекше назар Өзбекстан құрамасының қорғаушысы Абдукодир Хусановқа ауған.
Кадрлардан өзбек футболшысының Англияда BMW i4 маркалы электромобильмен жүргенін көруге болады. Ұлыбританиядағы автосалондардың мәліметінше, бұл көліктің бағасы 73 000 АҚШ долларына дейін жетеді.
Қызығы, Хусанов өз елінде бұдан әлдеқайда қымбат көлікке ие болған. БАҚ деректеріне сүйенсек, Ташкентте футболшыға бағасы 350 000 доллар тұратын Mercedes-Benz көлігі сыйға берілді. Бейресми ақпарат бойынша, бұл қымбат сыйлықты оған футбол агенті Ұлықбек Асанбаев тарту еткен.