«Анасы қайтыс болғаннан 4 жыл өткен соң дүниеге келген»: Габон футболшысының басы дауда қалды
10.01.2024, 19:23
Ол жасын қасақана кішірейтіп алған
Getty Images
Футболдан Габон құрамасының жартылай қорғаушысы Гелор Канганың басы дауда қалды. Оған жасын кішірейтіп алған деген айып тағылды.
«Црвена Звезда» клубында ойнайтын футболшы жуырда Африка ұлттарының кубогіне қарасты тәртіптік комиссияға шақырылған. Өйткені оның құжатындағы туған жылы мен анасының қайтыс болған жылы сәйкес келмейді. Бұл жайтқа ең алдымен Конго Республикасының Футбол федерациясы назар аударыпты.
Канга төлқұжат бойынша 1990 жылы дүниеге келген. Ал, оның анасы 1986 жылы қайтыс болып кетіпті. Енді футболшы тәртіптік комиссия мүшелеріне арадағы төрт жылдың қалай пайда болғанын түсіндіруі керек.
Аталған комиссия өкілдерінің мәліметінше, Гелор Канга шын мәнінде 1985 жылдың 8 қазанында дүниеге келген.