«Рома» Жозе Мауриньюны қызметін қууы мүмкін

«Романың» бас бапкері Жозе Мауринью жақын күндері отставкаға кетуі мүмкін деп хабарлады CalcioMercato басылымы.

Дереккөздің мәліметінше, клуб басшылығы португалдық маманға жағдайды реттеу үшін 30 күн уақыт беріпті. Осы уақытта Мауринью «Романың» жеңілістер сериясын тоқтатып, қажетті ұпайын жинауы қажет. Олай болмаған жағдайда келісімшарт мерзімінен бұрын үзіледі.

Былтыр римдік команданың Конференция лигасында жеңіске жеткеніне қарамастан, клуб басшылары биылғы нәтижелерге көңілі толмай отыр.

Қазір «Рома» A сериясында сегізінші орында келеді. Ал, Жозе Мауриньюның келісімшарт мерзімі осы маусымның соңына дейін күшінде.