«Аңыз». Ямаль Португалиямен ойын алдында Роналду жайлы пікір білдірді
17 жастағы футболшы Испанияның Ұлттар лигасының финалына шығуына көмектесті
Бейсенбі күні 17 жастағы футболшы Ламин Ямаль Франция қақпасына екі гол соғып, Испания құрамасына Ұлттар лигасының финалына шығуға көмектесті. (5:4).
Шешуші ойын жексенбі күні өтеді – Луис де ла Фуэнте жаттықтыратын команда Португалиямен кездеседі. Роналду бастаған ұжым жартылай финалда Германияны 2:1 есебімен жеңген болатын.
Осы орайда тілшілер Испания құрамасы мен «Барселона» клубының вингері Ламин Ямальдан Криштиану Роналду туралы пікірін сұраған.
«Криштиану Роналду – аңыз адам, өз басым оны шексіз құрметтеймін. Бірақ менің міндетім – финалда жеңіске жетуге тырысу.
Бізді ерекше матч күтіп тұр – ұлы командаға қарсы финал. Бұл жігер береді. Мен өзімді дәл осындай ойындарда көрсетуім керек. Тағы бір титул еншілегім келеді», – деді Ямаль.