«Әділетсіз». Флорентино Перес бастаған «Реал» «Қайратпен» Алматыда кездесетініне ашуланды
«Реал» студиясының жүргізушілері бұл жеребеге көңілі толмағанын ашық айтты.
Бейсенбі, 28 тамыз күні, УЕФА Чемпиондар лигасының жеребесі тартылды. Жеребе қорытындысы бойынша «Реал Мадридке» алматылық «Қайрат» қарсылас атанды. «Корольдік клуб» топтық кезең аясында Қазақстанға қонаққа келеді.
Жеребе тарту рәсімін тікелей эфирде көрсетіп жатқан «Реал» студиясының жүргізушілері бұл жеребеге көңілі толмағанын ашық айтты.
«Ешкімнің күмәні де болмаған шығар, әрине, ең алыс сапар тағы бізге түсті. Тура 6500 шақырым, Қытайға таяу жер, үйден тым шалғай», – деді жүргізушілердің бірі.
«Тағы да сол жағдай. Бірінші себеттегі фавориттердің ішінде бізге ең ауыр жеребе бұйырды... Өткен маусымда да солай болып еді...»
Ал екінші жүргізуші жеребенің әділдігіне күмән келтірді:
«Тағы да компьютер арқылы өткізілді. Өте ауыр. Қарсыластардың деңгейіне байланысты ғана емес, географиялық тұрғыдан да әділетсіз. Танымалдылығы аз, деңгейі төмен клубтардың арасында да бізге ең шалғайда орналасқан клуб түседі ғой. Қытай шекарасына 300 шақырым жетпейтін сапар бұйырды», – деп ашуланды ол.
«Реалдың» топтық кезеңдегі қарсыластары:
«Манчестер Сити» (өз алаңында)
«Ливерпуль» (қонақта)
«Ювентус» (өз алаңында)
«Бенфика» (қонақта)
«Марсель» (өз алаңында)
«Олимпиакос» (қонақта)
«Монако» (өз алаңында)
«Қайрат» (қонақта, Алматыда).