Антирекорд: «Барыс» қатарынан 11-ойынын жеңілді

Астананың «Барыс» хоккей клубы Құрлықтық хоккей лигасында кезекті рет жеңілді. Бұл жолы Олег Болякин шәкірттері Владивосток қаласына барып, жергілікті «Адмиралмен» ойнаған болатын.

Айта кету керек, қос команда да Шығыс дивизионының аутсайдерлері. «Барыс» турнир кестесінің ең соңғы 12-ші сатысында тұрса, «Адмирал» одан бір саты жоғары жайғасқан.

Матчтың бірінші кезеңінде айдын иелері бір шайбамен көзге түскен. Екінші кезеңде «Барыс» екі гол, «Адмирал» бір гол соғып, үзіліске 2:2 есебімен тарқасты. Ал, шешуші кезеңде ресейлік команда астаналықтар қақпасына жауапсыз екі шайба соғып, нәтижесінде 4:2 есебімен жеңіске жетті.

14 ақпанда командалар өзара тағы бір ойын өткізеді.

Айта кету керек, «Барыс» осымен қатарынан 11-ші рет жеңіліп отыр. Мұндай антирекорд командада ҚХЛ-де өнер көрсеткенде болған емес.